Panagungar ti Presidente a Nangkusit (Uray) kadagiti Tagainep

Nasaysayaat laengen ti maidasay ngem iti mapawilan a kumagat – Maysa a Kuton

Simgar dagiti muldot ket nagsardeng ti pul-oy a mangilallallay iti petalo
Idi pagam-ammuan ta impakdaar ti salaksak ti panagungar ti presidente;
Panagungar iti lagip ta saan met a nagudas ti bagina a pinagimortal ti napalalo
A derrepna iti bileg. Pagungaren dagiti kongresista a nakarian iti kinaimortal met laeng
Manipud iti maisagut kadakuada a binagbagon, kinabkaban, minalmaleta nga anges
Nga inyulog, inyawerda manipud iti kabakiran, kinelleng ken lakasa dagtiti umili.

Urnongen dagitoy a diputado dagiti rurog a naitanem iti agong, mata, lapayag,
Kuko ken ubet ket iragupda kadagiti letra iti utekda a binulodda kadagiti unibersidad,
Sa igamerda iti parsiak ti kimat: sakabanda iti rigis ti bambanti ken pirsay ti ullaw
Ket bulodenda ti siding iti rugit ti nuang. Iturturedda ti apges ti talunasan a mangipas
Kadagiti takiagda; ipirmada ti darada iti mulinaw a puso tapno agbitek a kasla
Sagut met ni Apo Lung-aw, agmaris nalabaga nupay ganggannaet kenkuana ti rikna.

Manipud iti pitak a nakairaramenna, bumangon a kasla nailibay laeng iti siled
Ti Malakaniang; agdiskurso iti pantok ti lubong: kukuak ti palayupoy ken unnoy
Ti dalluyon ken sang-aw dagiti muyong. Lemmesenna iti isbo dagiti bunar; deppesenna
Dagiti ledda ken pan-aw; rumekenna dagiti leddeg ken bennek; samalenna dagiti lames;
Pindangenna dagiti ayup sa idayana iti pannakasangal ti konstitusion dagiti kongresista:
Gunggona ti bilegda a nangigamer iti tallugading ti adobe iti pitak a kas kenkuana.

Kabayatanna, agdung-aw dagiti inna ken maladaga, agunnoyda iti kimat:
Isublim kadin, ala, ti impabulodmo nga alipaga iti kasipngetan a pakaikarianna…


ARIEL S. TABAG
Villa, Sta. Teresita,
3512 Cagayan

Daniw nga Agpada (Koma)

Kaloob

Magdederosas ang pisngi mo tulad ng kagalakan
sana ng advent wreath ‘pagkat aakuin ng usok
ang mga alinlangan at pighati; magigitla ka
sa pag-ako ng kandila sa inosenteng pighati din
sa iyong sinapupunan: kaaloob ng Maykapal
ang bawat hininga.

Nakasanayan mo na ang magtanong sa paanan
ng Christmas tree kung anong kaloob ang kapalit
ng mga paglilibak sa pagkampay ng pag-big
na walang pangalan: madalas mong hikbian
ang pamamaalam na pinangakuan
ng pagsuyong muli.

Naaalala mo ba ang mga nangakong himig
na kumandong sa pagsuyo ng dibdib
saka sumandal sa mga matitibay na pagpapasya:
ako ang alab sa mga madaling araw?

Ngunit matagal nang di nauugnay ang mabini
sa lambing ng amihan na humahawi
sa mga biyaya ng parol; nagpaalam na
ang kasiyahang nahalo sa samyo ng tupig
at patupat; di ka na naaantig sa mga pagsinta
ng kampana sa bukang liwayway.

Sasapuin mo ang kaloob. Nararamdaman mo
ang ibo ng paghihintay sa sisindihang
pag-asa ng huling kandila: nawa’y aakapin
ng butiki ang parating na mensahe ng pag-ibig…



Sagut

Agderosas ti pingpingmo kas iti kandela
a panagrag-o koma ti advent wreath
ta yalibungabongna dagiti pangngadua
ken saem; agalinggagetka iti panangsuknorna
iti inosente a saem met iti saklolom:
sagut ti Namarsua ti tunggal anges.

Saludsodem manen iti sakaanan ti Christnas tree
no ania a sagut ti idateng dagiti umsi
ken libbi iti panagkayaw-at ti ayat
a di-nabirngasan: masansan a saibbekam
ti panagpakada a nakaikarian ti panagibi manen.

Malagipmo dagiti naipallais a samiweng
a nangsaklot iti alikuno ti barukong
sa nagsadag kadagiti natibker a pangngeddeng:
siak ti bara kadagiti parbangon?

Ngem nabayagen a di nayabel ti salemsem
iti lailo ti palayupoy a mangikayab
kadagiti saguday ti parol; nagpakadan
ti ray-aw a naibinggas iti bang-i ti tinupig
ken patupat; dikan mailili kadagiti umbi
ti kampana iti parbangon.

Appupuem ti sagut. Mariknam ti pikapik
ti panaguraymo iti maseggedan a namnama
ti maudin a kandela: abrasaen koma ti saltek
ti sumangbay a mensahe ti ayat…

A.S. Tabag
Sta. Teresita, Cagayan